Salmenta-puntuaren eginbideak
POS eginbideak, edonon saltzen duzula ere
Baduzu Shopify-ko denda bat? Hasi saioa Shopify POS konfiguratzeko
Eginbideak
Salmenta omnikanala
Eskaini erosketa-esperientzia ezin hobea bezeroei, hala dendan nola sarean eta beste edozein tokitan
Dendan jasotzea Pro
Kudeatu eta osatu dendako bilketa-eskaerak zuzenean Shopify POS-etik.
Erosi dendan eta bidali Pro
Egin salmentak dendan eta bidali zuzenean bezeroei inbentarioa duzun edozein tokitatik. Zergak eta bidalketa-tarifak automatikoki kalkulatzen dira ordainketa-prozesuan.
Erosi sarean, eta trukatu nahiz itzuli dendan Pro
Onartu sarean nahiz beste kokapen batean egindako erosketen trukeak, eta inbentarioa berehala eguneratuko da.
Tokiko entrega Pro
Kudeatu eta osatu sarean egindako tokiko entrega-eskaerak zuzenean Shopify POS-etik.
Produktuen QR kodeak
Gehitu QR kodeak produktuei; hala, bezeroek telefono adimenduna erabil dezakete informazio gehiago jasotzeko eta sarean erosteko.
Bidali saskia sarean erosteko Pro
Bidali mezu elektroniko bat bezeroei dendan interesgarri suertatu zaizkien baina erosi ez dituzten elementuekin.
Bidali dendatik Pro
Erakutsi bidalketa-eskaerak POSen, langileek eskaerak prestatu, paketatu eta bidali ditzaten (baita bidalketa-etiketak erosi eta inprimatu ere).
Kudeatu eskaerak POSen
Ikusi eskaera guztiak gune bakarrean POSen; langileek errazago egin ahal izango diete jarraipena eskaerei, haiek prozesatzeaz eta osatzeaz gain.
Inbentario-kudeaketa
Egin izakinen jarraipena, jaso bidalketak, transferitu elementuak eta egin doikuntzak kokapen guztietan; dena Shopify-tik
Kokapen anitzeko inbentarioaren jarraipena
Egin jarraipena eta esleitu inbentarioa kokapen bakoitzean, denbora errealean sinkronizatuta POS, sareko denda eta salmenta-kanal guztien artean.
Jaso inbentarioa Pro
Onartu beste kokapen edo hornitzaile batzuetatik datozen bidalketak Shopify POS-en, eskuz nahiz barra-kodeen eskanerra erabiliz.
Bidali inbentarioa Pro
Osatu beste kokapen batzuetarako irteerako bidalketak Shopify POS-en, eskuz nahiz barra-kodeen eskanerrarekin.
Doitu inbentarioko elementu kopurua Pro
Erabili kontaketa bizkorrak barra-kodeen eskanerrarekin, Shopify POS-en bertan izakinen kopuruak eguneratzeko.
Transferentziak
Sortu eta kudeatu kokapenen arteko inbentario-mugimenduak Shopify-ko administratzailean, Shopify POS-ekin sinkronizatuta.
Erosketa-eskaerak
Sortu, bidali eta egin hornitzaileen erosketa-eskaeren jarraipena Shopify-ko administratzailetik.
Eskariaren aurreikuspena
Erabili Sidekick, Shopify-ren AAzko laguntzailea, berrantolaketarako iradokizunak jasotzeko, salmenten abiadura eta urtarokotasuna oinarri hartuta.
Inbentarioa berrorekatzea
Eskatu Sidekick laguntzaileari kokapenen arteko izakinen transferentziak iradokitzeko errendimendu-joeretan oinarrituta, eta automatikoki sortuko ditu.
Izakin gutxien alertak
Jaso jakinarazpena izakinak agortu aurretik, egungo salmenten erritmoaren araberako mugekin (Shopify Flow-en bidez).
Inbentario-txosten pertsonalizatuak
Ikusi joerak eta planifikatu aurrez kokapen- eta produktu-mailako txostenak erabiliz.
Langileen kudeaketa
Kontrolatu baimenak eta egin langileen errendimenduaren jarraipena gune bakarrean
Kudeatzailearen onespenak Pro
Zehaztu langileek noiz behar duten kudeatzailearen onespena (adibidez, deskontuak aplikatzeko edo zergak editatzeko).
Mugarik gabeko POSeko langileak Pro
Baimendu langileei POS erabiltzea, baina administratzaile-sarbidea bereizita utziz. Gehitu nahi adina langile.
POSeko langileen funtzioak eta baimenak Pro
Esleitu funtzio pertsonalizatuak dendako langileei, baimen egokiak dituztela bermatzeko.
Salmenten komisioak Pro
Esleitu salmentak langileei komisio edo aitortzetarako.
Langileen POS PINak
Eman PIN esklusiboak langileei POSen saioa hasteko.
Ordainketa-prozesua
Gauzatu salmenta bakoitza bezeroentzako eta langileentzako aparteko esperientzia eskainiz
Itzulketak eta trukeak Pro
Onartu edozein kokapenetako itzulketak eta trukeak (sarean nahiz dendan), eta inbentarioa automatikoki eguneratuko da.
Ezeztatu eta baliogabetu eskaerak Pro
Ezeztatu eskaerak eta baliogabetu ordainketak erraz, bezeroak iritziz aldatzen badu edo ordainketa-prozesuan akatsen bat egonez gero.
Gorde eta berreskuratu saskia Pro
Kudeatu, gorde eta berreskuratu erosketa-saskiak erraz, ordainketa-prozesua arinagoa izan dadin.
Inprimatutako ordainagiri pertsonalizatuak
Pertsonalizatu inprimatutako ordainagiriak marka islatu dezaten.
Ordainketa edonon
Eraman telefono adimenduna edo tableta bezeroarengana, eta bideratu ordainketa berehala.
Sareta adimendun pertsonalizagarria
Bizkortu ordainketa-prozesua sareta adimendun pertsonalizagarriarekin; saskiaren ekintzen arabera egokitzen da langileei abisuak emateko.
Deskontu-kodeak
Aplikatu deskontu- edo promozio-kodeak sareko dendan nahiz txikizkako negozioan.
Zergak
Zergak automatikoki kalkulatzen dira dendan zehaztutako kokapenaren arabera. Zergak desgaitu ditzakezu edo zerga pertsonalizatuak ezarri produktu zein eskaera zehatzetarako.
Mezu elektroniko edo SMS bidezko ordainagiri pertsonalizatuak
Bidali mezu elektroniko edo SMS bidezko ordainagiri pertsonalizatuak eta osatu bezeroen kontaktuen zerrenda, etorkizunean haiekin harremanetan jartzeko.
Deskontu pertsonalizatuak
Aplikatu zenbateko edo ehuneko zehatz bateko deskontuak saski osoetan zein elementu indibidualetan.
Eskaeraren oharrak
Egin eskaera eta xehetasun berezien jarraipena oharrak eskaeretan gehituta.
Salmenta pertsonalizatua
Erabili lerroko elementu pertsonalizatuak elementuak tokian bertan elkartu eta prezio bat zehazteko.
Kamera bidezko barra-kodeen eskanerra
Eskaneatu produktuen barra-kodeen etiketak iOS gailuko kamerarekin.
Konexiorik gabeko eskudiru-transakzioak
Onartu eskudiru bidezko ordainketak transakzioak osatzeko konexiorik gabe zaudenean.
Itzulketak
Onartu sareko nahiz dendako erosketen itzulketak, eta jaso itzulketen arrazoiak produktuaren errendimenduari buruzko estatistikak eskuratzeko.
Produktuak
Mantendu antolaketa salmenta-kanal guztietako produktuen ikusgarritasunarekin denbora errealean
Mugarik gabeko produktuak
Gehitu mugarik gabeko produktu-kopurua dendan eta kudeatu produktuen katalogo handiak leku berean.
Produktuen bildumak
Kategorizatu produktuak motaren, denboraldiaren edo promozioen arabera, besteak beste. Erabili bilduma adimendunak produktuak saltzailearen, prezioaren eta inbentario-mailaren arabera automatikoki ordenatzeko.
Produktuaren aldaerak
Gehitu aldaera ugari produktuei (esaterako, tamaina, kolorea edo materialak) eta esleitu bakoitzari bere prezioa, SKUa, pisua eta inbentarioa.
Inbentarioaren egoerak
Erabili inbentarioaren egoerak inbentarioaren bilakaeraren jarraipena egin eta partekatzeko (produktuak jaso, transferitu edo eskaera bat osatu ahala).
Kokapen anitzen kudeaketa
Sortu eta esleitu inbentarioa sareko salmenta-kanaletan, biltegietan, txikizkako dendetan edo izakinak gordetzen dituzun beste edozein tokitan.
Barra-kodeen etiketak
Esleitu lehendik dauden barra-kodeak produktuei edo sortu berriak inbentarioaren jarraipena egin eta ordainketa-prozesua bizkortzeko.
Bezeroak
Bihurtu behin-behineko erosleak bizi osorako jarraitzaile
Sortu bezero-profilak
Bezero-profilak dendako edo sareko erosketa bakoitzarekin sortzen dira ordainketa-prozesuan.
Bezero-profil aberatsak
Egin kontaktu-informazioaren, erosketen historiaren, guztizko gastuaren, bezeroaren oharren, etiketen, bidalketa-helbidearen, zergen eta marketin-hobespenen jarraipena.
Eskaeren historia
Bezeroek sarean nahiz dendan erosten dutenean, haien eskaeren informazioa automatikoki sinkronizatzen da.
Jarri harremanetan bezeroekin
Jarri harremanetan bezeroekin POSetik, mezu elektronikoak, SMSak edo telefono-deiak erabiliz.
Bezeroen informazioa
Sortu harreman sendoak eta saritu bezero leialak gertaera, deskontu edo eduki esklusiboekin.
Marketin-hobespenak
Jaso helbide elektronikoak eta telefono-zenbakiak ordainketa-prozesuan, bezeroei datozen beherapenen nahiz produktu berrien berri emateko.
Bezeroen etiketak
Esleitu etiketak bezeroei, eta ondoren bilatu eta iragazi, harremanetan jartzeko duzun helburuaren arabera.
Txostenak eta estatistikak
Lortu negozioari buruzko erabaki informatuak hartzen lagunduko dizuten txostenak
Eguneroko salmenten txostenak Pro
Hartu erabaki informatuak POSetik sortutako eguneroko txostenean bildutako salmentei, produktuei eta langileen errendimenduari buruzko estatistika xehatuekin.
Panelaren ikuspegi orokorra
Lortu sareko nahiz dendako negozio osoaren ikuspegi orokorra begiratu batean.
Txikizkako salmenten txostenak*
Ikusi, aztertu eta esportatu salmentak langile, kokapen, denbora-tarte edo bezeroen arabera.
Eskudiruaren jarraipena
Egin eskudirurako tiraderaren saldoaren jarraipen zehatza, egunaren amaierako gordailuak bideratzeko.
Diru-fluxuaren txostenak*
Lortu aurrez aurreko eta sareko salmentengatik kobratuko duzunaren eta dirua jasoko duzun unearen informazioa.
Produktuen txostenak*
Lortu produktuaren errendimenduari buruzko estatistikak (gehien saltzen direnetatik hasi eta batere saltzen ez direnetaraino).
Deskontuen txostenak*
Egin promozioen errendimenduaren jarraipena, denborarekin zure ikuspegia garatu ahal izateko.
Inbentario-txostenak
Ikusi hilabete amaierako inbentarioaren egoera eta egin egunero saltzen den inbentarioaren ehunekoaren nahiz kopuruaren jarraipena.
Finantza-txostenak
Sortu txostenak finantzak berrikusteko (besteak beste, salmentak, itzulketak, zergak eta ordainketak).
Hardwarea
Osatu salmenta-puntu integrala Shopify-ren instalazio bizkorreko hardwarearekin
Konektibitate-pantailak
Integratu hardware bateragarria Shopify POS-ekin, aplikaziotik konektibitatearen jarraipena egin eta arazoak azkar konpontzeko.
Hardware osagarri bateragarriak
Hornitu POSa Shopify Hardware dendan eskuragarri duzun hardware bateragarriarekin. Parekatu osagarriak (esaterako, barra-kodeen eskanerrak, ordainagirien inprimagailuak, eskudirurako tiraderak eta askoz gehiago).
Ordainketa gehigarriak
Onartu ordainketa-metodo ezagunenak, salmenta bakar bat ere ez galtzeko
Opari-txartelak
Saldu opari-txartel malguak, sarean edo dendan truka daitezkeenak. Bidali txartel digitalak mezu elektroniko bidez zuzenean POSetik, eta baimendu erosleei Apple Wallet-en gehitzea saldoak egiaztatzeko.
Zatikatutako ordainketak
Onartu bi ordainketa-mota edo gehiago transakzio bakarrean.
Ordainketa partzialak
Onartu ordainketa osoaren zati bat, fidantza edo eperako salmenta gisa.
Ordainketa-mota pertsonalizatuak
Sortu ordainketa-aukera pertsonalizatuak (adibidez, txekeak edo kanpoko terminalen bidezko transakzioak).
Marketina
Koka ezazu zure marka denen ahotan, bezeroak sareko dendara zein txikizkako dendetara bideratuko dituzten marketin-tresnekin
Bezeroen segmentazioa
Taldekatu erosleak erosketa-historiaren, kokapenaren edo gastu-ohituren arabera, eta sortu marketin-kanpaina zehatzak, bihurtzeak lortzen dituzten eskaintza pertsonalizatuekin.
Posta elektroniko bidezko marketina
Jaso bezeroen helbide elektronikoak ordainketa-prozesuan eta mantendu harremana marketin-mezu eta promozioekin.
Sare sozialen integrazioa
Sortu kanpainak bertako bezeroekin harremanetan jartzeko eta dendako bisitak nahiz salmentak areagotzeko.
Google Merchant Center
Sustatu denda eta sinkronizatu produktuak nahiz informazioa automatikoki Google Merchant Center bidez.
- * Grow planean zein goikoetan sartutako txostenak
- ** iPhone Xs nahiz berriagoa eta iOS 15.5 nahiz berriagoa behar ditu
Maiz egiten diren galderak
Ez soilik merkataritza elektronikoa, merkataritza integrala baizik.
Bateratu dendako eta sareko salmentak Shopify POS sistemarekin.
Baduzu Shopify-ko dendarik? Hasi saioa Shopify POS konfiguratzeko